قصيدة ( حسبة برما )
################
شوفتوا اللى صار ؟
بعد اللى صار ؟
الشعب عايش محزنة
قربت اقول فاتت سنة
ومفيش يا دوب غير مطحنة
دوشة وسياسة..........
كلاكيع غلاسة.........
واللت زاد عالمعجنة
واللى انكوى .......
واللى انشوى ........
انت ....وانا
فيه ناس تقول
حبة فلول
ناويين يصفوا دمنا
فين دمنا؟؟؟؟؟؟؟؟
بعد اللى كان
يوم ما اندلق
يروى الميدان
كان نفسى يطرح سوسنة
يطرح غْنا
والغنوة صرخة مجلجلة
تملا الفلا
تصرخ تحل المسألة
فيه ناس تقولك بلطجة
وكام عصابة معصلجة
احزاب....خراب
عتاب.... سباب
شباب ......ضباب
اسف لكتر العنونة
بنده انا........
بصوت اذان عالمأذنة
حسبولنا حسبة متلتلة
قال ايه سابوها مبهدلة
عاوزالها ييجى ميت سنة
يادى الهنا..........
يمكن يابكرة تكون جديد
شمسك تخلى الدنيا عيد
ومفيش عبيد
تخضع لسيد
ومفيش معالى وهيمنة
بطلب انا........
وطن يعود
بعد الصمود
والمية تتخطى السدود
وانا فى السجود
ببكى وبدعى ربنا
ليست هناك تعليقات:
إرسال تعليق