إلى زعيمنا المفدى
هتلعب علينا فهمنا نظامك
ومهما إن هتشكى
هتربط حزامك
نحاسبك وناخد فلوسنا
وتعبنا
وأخر المحاكمة
نحاسب نظامك
فوفر تعبنا
ووفر كلامك
تسلم علينا
كرهنا السلام
عشان كل حاجه
خربها النظام
نسبها لزعيمنا
بتاع الحروب
وقال انه هو
رئيس السلام
هنعمل مظاهره
ونعمل حاجات
هنتعب وماله دى مش معجزات
نفسنا
هيطول
وصوتنا هيعلى
ومهما إن قاسينا
ومهما إن تعبنا
عمر اللى جانا
مازى اللى فات
بننزل عشانك
كرهنا الطلوع
يا أول محارب
ضربت البتوع
بنشكر سيادتك ومتشكرين
عشان كنت تاكل فشعبك
يجوع
نسينا الصلايه عشان
مخبرينك
عرفنا العصايه فى أيد
سجانينك
تبيعنا
لعدانا وتقبض تمنا
والجاى النهارد
بتحلف بدينك
تقول :انظلمت
ومين اللى ظلمك وكنت
الرئيس
وكنا عشانك نحيى الخسيس
كنا فـ عذابنا
ونجلك يهيص
وكان كل حاجه نعوزها
نشاور
سعادتك وأسف
رجال البوليس
انتهت
ليست هناك تعليقات:
إرسال تعليق