يا ريت افهم

قصيدة ( يا ريت افهم )

###############

يا مين يا ناس يفهمنى

يرجعنى ..كلام معقول يطمنى

يكون بلسم ........

يا ريت افهم...

-------------------------------

شقية والشقا لابساه

مغطى لونك الاخضر

بيتلون بلون احمر

حقيقة وليها نص لسان

بتتلعثم ........

يا ريت افهم.......

--------------------------------

شاشات ودايرة لهلوبة

ليلاتى القعدة منصوبة

وشايفك قاعدة مرعوبة

عجوزة ..حانية ..كركوبة

وشايفك لسة مرغوبة

وانا رايدك......

صبية زى ما كنتى

تزيحى المر والعلقم

يا ريت افهم ......

------------------------------

جرالك ايه يا محسودة

يازغرودة فى عز الخوف

فى عز العتمة مزروعة

وشمسك ضى فى الجوعة

يا دعوة عالية مسموعة

يا حضن الحضن للملهوف

وانا بسال ...وباتامل

وعاوز حد يتكلم ....

يا ريت افهم .....

-----------------------------

رسمتك حلم واتلون

بلون بكرة

تضمينا .....تدفينا

تخلينا نعيش ذكرى

ومركب ماشية سايعانا

وواخدانا لبر امان

وعلى ارضك اعيش انسان

الملم خوفى والجالك

واجز بقلبى على عرضك

واندهلك ...ما انا اهلك

عشان عمرى ما اكون مرغم

يا ريت افهم ......

يا ريت افهم......

------------------------------------