مش راح نسكت مش هنخاف
خليتو حياتنا خلف خلاف
ماليها الظلم بدون إنصاف
مهما صبرنا يزيد أضعاف
وبطاله تزيد وجيوبنا نضاف
مش لاقيين العيش الحاف
قطارات دهسانا أشلاء تتشاف
وزارات فسدانه أرقام إسفاف
بس خلاص لأ موش هنخاف
لو تراعونا بس فـ مره
وتحققوا أهداف الثوره
نفسنا نسمع أخبار ساره
إن بلدنا هتصبح حره
إيد على إيد هنعيد الثوره
ونحول أحلامنا حقيقه
ونطلع مصر من الضيقه
دي بلدنا عملوها سريقه
وبنهتف وفـ كل دقيقه
لا نولع اجسامنا حريقه
مشاعل للغد مضيئه
وهنفضح غشك يا حكومه
لغلابة بلدي المظلومه
دي حقوقنا ضايعه ومهضومه
لا هنهرب خايفين من شومه
لا جماعة خرفان مشئومه
ولا شرطه للأمر خدومه
ومضاده وفلول مجحومه
بكفايه كرامه معدومه
ونحب نأكد معلومه
القمع نهايته محتومه
دي يناير ثوره ومنظومه
ثوار صاحيين بلا نومه
عـ الظلم براكين محمومه
مش هنسكت ونخاف يا حكومه
مش هنسكت ونخاف يا حكومه
ليست هناك تعليقات:
إرسال تعليق