بين الموت في مصر والموت في ايطاليا

انا بعتزر عن عدم مشاركتي وكتابتي لمده كبيره عشان كنت 

مشغول شوية لكن ان شاء الله هارجع اواظب علي الكتابه تاني 

لكن انا النهارده فعلا اضيقت جدا وانا بقرء جريدة الحوادث 

وهي كاتبه عن موضوع الهجرة الغير شرعيه لايطاليا ولقيت 

اللي كاتب الموضوع بيقول واراء الناس ان الشباب دول غلط 

وطبعا جايبين اللوم عليهم

فانا عايز اسال سؤال لكل اللي مهتم بالموضوع ده مين 

السبب؟؟؟؟؟؟؟

هل هم الشباب ؟

ولا الاهل؟

ولا الحكومه ؟

ولا احنا كلنا عارفين مين وبنستعبط؟

طبعا انا هاجاوب واقول رايي بحريه واي واحد موفقني او 

معارضني يقولي رايه ويقنعني بيه

قبل اي شيء عشان تحكم علي حد حط نفسك مكانه عشان 

تعرف هو ليه اتصرف التصرف ده

لو انا مكان الشخص ده ايه اللي هايخليني افكر كدا ايه اللي 

هايخليني اروح مكان ممكن ارجع منه وممكن ما رجعش وادفع 

الالوفات دي كلها واروح ارمي نفسي في البحر كدا وخلاص ما 

كان ممكن اروح ارمي نفسي في اي ترعه وخلاص وعلي الاقل

مش هادفع فلوس لكن اكيد في شيء اكبر الشيء الاكبر ده ما

 يحسش بيه غير الشباب اللي ينا اللي لقي نفسه ميت وهو حي 

ودي اصعب ماكون ميت وبين ايد الله يااااااااا

هو ده فعلا اللي فيه شبابنا اللي اتحرموا حتي من انهم يتجوزوا 

ويحققوا اقل حق ليهم وانهم يحبوا ويتحبوا هم دول شبابنا

 اللي 

هايتسائل عليهم كل مسئول في البلد عن البطاله والسرقه وعن 

شباب مات وهو حي يرزق

اظن ان كله فهم دلوقتي اجابتي ايه علي السؤال وهان احنا 

كلنا 

عارفين وبنستعبط

وياريت اللي يهمه الامر ده يقولي رأيه واللي مختلف معايا 

يقنعني برائيه