قصيدة
ليه وانا ماشى بشوف الناس وبستغرب
على اللى بيجمع ويطرح وعلى الكفوف يضرب
واللى سرحان وتايه واللى بيقسمها على عشره
وغيرة باصص علية وفاكر ان البعيد حشره
واللى زعلان ومخنوق وبيدور على فرصه
ونفسه فى يوم يلقاها لو قرصه الزمان قرصه
واللى مش عارف حساب بأديه عمال بيضربها
كف على كف وكتير غيرة مجربها
واللى من الياس تركها وقال بيدى ايه
انتهى زمن الغلابه وده زمن الكبير والبيه
واللى بتربى يتامى وزمانها مال بيها
صحيح بتاخد معاش ياما جاب الغراب ليها
وشباب فى عز الصبا بقوا فوق الستين
الشعر خطة البياض وفى وسط الزحام تايهين
ونسيوا انهم شهادات مركونه على الحيطان
لو وزنتها الحكومة عاوزلها ميزان اطنان
ليست هناك تعليقات:
إرسال تعليق