مـسـحـــــراتــــى
مـسـحـــــراتــــى
مسحراتى فى البلاد جوال
وطبلتى صوتها عال العال
بضرب برن اصحى يا خال
النهــرده يكــون الهـــلال
يا رب يا عالم بالاحـــوال
تقبل صيامنا وصالح الأعمال
يا أم محمد يا أم جمـــــال
قومى قومى صحى العيال
الشهر صيام والعيد شوال
والفرحة اليوم ملهاش مثال
وهنبعد عن سوء الافعال
ويصير الحال احسن حال
وبكـــــــره وبعده و30 يـوم
هنقول أصحى وصحى النوم
بكرة بكرة بكرة نصــــــــوم
وكل يوم فى الفجر نقــــــوم
وعلى الفطار يجتمع القـوم
وفرحة كبيرة بعد الصــوم
مسحراتى ماشـــى بتغنـــدر
بلف ريف وكمـــان بنـــــدر
وكل يوم تلاقيـنــى مسهــــر
وفى معادى وعمرى ما اتأخر
وفى أيدى طلبـة ومتعطـــــر
وبعلى صوتى كمان وأكتر
اصحى يا نايم وحد الدايم
بكرة بكرة تصبح صايــــم
وطبلتــــى ترقص وتغـــنـى
رمضان أهو جانا يا مستنى
هتصوم وتـذكــى وتصلــى
وتفطـــــر فرحان متهنــــــى
بــعــــد طــــول انـتـــظـــــــــار ... رمضـان أشرقت مـــعــه الأنـــــوار
شهر الصوم والبركة والغفران ... شهر رمضان شهر الكرم والاحسان
اللهم تقبل صيامنا ... وصلاتنا وقيامنا
ليست هناك تعليقات:
إرسال تعليق