يا بلدى فيكى الروح لا تبوح
والكلمة خنجر والدمعة دم
والحزن نار ما تنطفى
والقلب مدبوح
وصرخة ام ونار الفراق
متقولوش ان ابنى مات
متقولوش ان ابنى خلاص
على لسانه راح يكون السكات
قالى يا أما راجع
راجع ياأما وفى حضنك راح أبات
راجع ياما
ومعايا بلدى زهرة البلاد
استنينى يا اما ولو مرجعتش
ادعيلى فى الممات
ليه يابنى سبتك تروح
ليه صدقتك
ان الحلم فى البلد دى مسموح
ليا مين يابنى غيرك ليا مين
ليا بلد حلفت عليا اليمين
ليعيش الحزن ويتقتل الفرح والطموح
ليه يابنى سبتك تروح
ليه أشوفك بالدم متغطى
وليه بلدك لا تدمع ولا تنوح
يا أما كفاكى حزن
بكرة الروح تجتمع بالروح
بكرة تلتئم الجروح
بكرة بلدنا تشد القلوع
ليست هناك تعليقات:
إرسال تعليق