فين الشباب ؟
مانزلش ليه الانتخاب ؟
ليه الطوابير كلها شياب ؟
روحوا شوفو هما فين
يمكن يكونوا مشغولين
يمكن يكونوا مابين شهيد
وما بين مصاب
أو يمكن يكونوا في السجون
بيذوقوا ألوان العذاب
يمكن في طوابير المشارح
أو في السجون ليهم صحاب
أو يكونوا في المحاكم
متهمين ب "خلايا إرهاب"
يمكن يكونوا غضبانين م الظلم
ويمكن غضبهم م الخراب
يمكن يكون حلمهم انعدم
يمكن أملهم ف البلد دي خاب
عارفين فين الشباب؟
شبابنا في شوارع الثورة هضاب
بيكتبوا تاريخ مصر في أعظم كتاب
ليست هناك تعليقات:
إرسال تعليق