كلمينــي يـارصاصه
كلميني وطمنيني لما كنتى فى قلب إبنى إتـوجع
طب كان بيبكى طب مات جدع طب حس بيكى او اتصرع
وانتى داخله بكل قسوه تقتليه كنتي عارفه انك رايحه
تحرميه
من حياته ومن حياتى هو كان اطيب ولادى كان يوماتى
يبوس إديا
و يقرا كل اللى فى عنيا وكان بيقضي حاجاتي ليا كنت لما
يوماتي اصلي ادعي ليه من كل قلبي يفضل طول حياتي
سندي
و بعد ما اموت يبقالي صدقه بس عشت وهو مــاااااااات
ارهابى خد عمره سرقه وساب بموته في قلبي حرقه
يا رصاصه هو انتي حالفه تختارى الشباب
و بعد موتهم برضه حالفه تسكني جوه قلب الامهات
كلمينى
يا رصاصه لما كنتي في قلب ابني اتوجع .طب كان بيبكي
طـــــــــــــــــــــب مــــــــــــــــــــــــــــات جــــــــــــــــــــدع .
ليست هناك تعليقات:
إرسال تعليق